Rregullorja e punës së Këshillit Mbikqyrës 

Me këtë Rregullore, të hartuar në bazë të Ligjin mbi Sportin nr. 2003/24 dhe Udhëzimit   Administrativ nr. 03/2015, si dhe nenit 8 të statutit të KB “UNI COLLEGE”, nxjerr këtë rregullore të punës së Këshillit Mbikqyrës të Klubit.

Neni 1

Me këtë Rregullore përcaktohet mënyra e punës dhe e marrjes së vendimeve në Këshillin Mbikëqyrës të KB “UNI COLLEGE” që konsistojnë në:

–       përgatitjen dhe konvokimin e mbledhjeve të Këshillit;

–       udhëheqjen e mbledhjeve;

–       marrjen e vendimeve lidhur me mbikqyrjen profesionale dhe nxjerrjen e konkluzioneve;

–       mbajtjen e procesverbaleve të mbledhjeve të Këshillit

Neni 2

Këshilli Mbikëqyrës përbëhet nga tre anëtarë, ekspertë të fushave të caktuara.

Neni 3

Këshilli ka kryetarin, të cilin nga radhët e veta e zgjedhin anëtarët e Këshillit, ku si tërësi i përgjigjen Bordit Drejtues të KB “UNI COLLEGE”.

Neni 4

Mandati i anëtarëve të Këshillit Mbikëqyerës zgjatë katër (4) vjet. Këshilli mund të shkarkohen edhe para skadimit të kohës, vetëm atëherë kur konstatohet nevoja për shkaqe objektive.

Neni 5

Këshilli Mbikëqyrës është organ mbikëqyrës i klubit, që mbikëqyrë zbatimin e Statutit dhe të akteve të tjera të përgjithshme, gjendjen materiale-financiare dhe shfrytëzimin e pasurisë së klubit, dhe ligjshmërinë e punës së organeve të klubit, zbatimin e vendimeve, konkluzioneve dhe akteve të tjera juridike.

Neni 6

Këshilli Mbikëqyrës mund të kërkoj që të këtë qasje në dokumentet që kanë të bëjnë me punën dhe me gjendjen financiare të klubit.

Neni 7

Anëtarët e Këshillit Mbikëqyrës mund të kërkojnë mbajtjen e mbledhjeve të Bordit Drejtues nëse konstatojnë ekzistimin e parregullësive financiare dhe punuese, shkeljen e Statutit dhe të akteve të tjera të përgjithshme të klubit.

Neni 8

Anëtarët e Këshillit Mbikëqyrës duhet të marrin pjesë në mbledhjet e Bordit Drejtues pa të drejtë vote në marrjen e vendimeve.

Neni 9

Mbledhjet e Këshillit Mbikëqyrës i thërret dhe i udhëheq kryetari i Këshillit.

Neni 10

Mbledhjet e Këshillit Mbikëqyrës mbahen në përbërje të plotë, ndërsa vendimet dhe konkluzionet merren me shumicë votash.

Neni 11

Për tërë rrjedhën e mbledhjeve të Këshillit Mbikëqyrës mbahen procesverbale, të cilat pas aprovimit nga Këshilli, ruhet në dokumentacionin zyrtar të klubit.

Neni 12

Konvokimin e mbledhjeve të Këshillit Mbikqyrës e bënë kryetari i këshillit dhe atë së paku një herë në muaj.

Neni 13

Këshilli Mbikqyrës ka për obligim të ushtroj mbikqyrje administrative e profesionale në veprimtarinë e klubit, dhe të ketë bashkëpunim të ngushtë me të gjitha organet e klubit. 

Neni 14

Rregullorja e punës së Këshillit Mbikëqyrës miratohet nëse për të votojnë dy nga tre anëtarët e Këshillit, ndërsa ndryshimet dhe plotësimet e saj bëhen në mënyrën dhe sipas procedures së njëjtë sikurse miratimi i saj.

Neni 15

Kjo Rregullore hyn në fuqi ditën e miratimit të saj nga anëtarët e Këshillit Mbikqyrës, të aprovuar më 18.11.2023, në Ferizaj.